Stefan

Steff (schreim duad a se: Stefan Mosinger)

I bi da Steff und spui d‘ Gitarr bei uns. Mei grouße Freid is mei „Erman“ – Gitarr, de e ma vom slowenischen Gitarrenbauer Ales Erman bau lossn hob. Da Sound reicht vo Oberkrainer bis hin zum Rock’n’Roll.

An Schlogzeiger hamma mia ned, desweng muass i einfach aweng perkussiver spuin, um an Rhythmus eizumbringa.

Außerdem schreibe a sehr gern selber Liadl. Durch de hehane Stimm sing i ender ob’n umanand.

Musi is des, für wose brenn und mei Ausgleich. Beruflich hobe z‘ Passau an Schuilehrer studiert für Mathe und Religion fürs Gymnasium. Momentan unterrichte an a Grundschui. 🙂 Mia hamma a kloans Sachal dahoam, woe a gern mithelf.